Gure ikastetxeak 2030 Agendako Garapen Jasangarrirako Helburuak hezkuntza-proiektuaren funtsezko atal gisa sustatzeko konpromisoa hartzen du. GJHak modu transbertsalean lantzen ditugu hezkuntza-etapa guztietan, Haur Hezkuntzatik hasita Lehen eta Bigarren Hezkuntzaraino, ikasgai, proiektu, jarduera guztietan eta gure ikastetxearen berezko kudeaketan txertatuz. Gure helburua da ikasleek egungo erronka globalak ezagutzea eta berdintasuna, elkartasuna, errespetua eta ingurumenaren zaintza bezalako balioak garatzea.
Era berean, ikasleak konpromiso honen protagonista aktibo izatea nahi dugu, ikastetxean zein ikastetxetik kanpo eragin positiboa izango duten ekimenetan parte hartuz. Ikaskuntzak ikasgelatik harago eramatea bilatzen dugu, eguneroko bizitzara, familietara eta Santurtzin zabalduz. Uste dugu aldaketa gure ingurune hurbilean eta gure eguneroko ekintzetan hasten dela. Horrela, Patronato Santa Eulalia ikastetxeak etorkizun jasangarriago baten aldeko konpromisoa partekatzen du, pertsona kritiko, arduratsu eta konprometituak heziz.
